شحال من ارض حرثي
بعد أيام كربلتيها
شحال من خيرات زرعتي
جاء الصيف وجنتيها
وعمرت المطمورة بالشكوى
وحققت الخير كل هو
جاك الخير والتيسير
وضاع منك…….. اداه الغير
هذ الخير فينا هو
فين السبولة أو فين الفولة
فين التفاح أو لمزاح
والعنقود حباتو مكمولة
فين أوفين أوفين
فين حقك من هذا الربح
جاوبني كول
فينا هو:?
حقي ملخير و الخمير
ضاع مني وداه الغير
فكروش الحرام راهو
خادوه بالجهالة والقوة
ولات المظالم بالنخوة
أو بالعلالي أو العنزة
جانا الهيف أو زمان السيف
وجاتنا الجهالة وجاتنا الخطيف
أو ديالك اداوه
اداوه ناس آخرين
أتصرفو ف ارباحو وتصريف
اليوم المنجل يحصد الذل
اليوم بنادم مايعود اسالم
اليوم الضحكة تبان ف عيون الصبيان
اليوم سوق الدلالة يرجع زبالة
اليوم اللابس دربالة يرجع إنسان
الرئيسية 